ചിത്രപ്രദർശന ഗ്യാലറി

നിറങ്ങൾ ചാലിച്ചു , ചാലിച്ചു
ഒരു ചിത്രകാരൻ വരച്ചു തീർത്ത
ചിത്രത്തിൽ ഞങ്ങൾ
ഒരു കുടക്കീഴിലൊരുമിച്ചുരുമ്മി
ചേർന്നു നടന്നു പോകുന്നു
വർണ്ണങ്ങളുതിർത്തു
പ്രകൃതി , കൃതഹസ്തയായി ,
ഞങ്ങളെയങ്ങനെ നോക്കുന്നു

ഏകാന്തപഥികരായി
കാലത്തിൻ പാത , നടന്നു
ഞങ്ങൾ താണ്ടുന്ന കാഴ്ചയോ
ചിത്രകാരൻ ഒരു ഗൂഢസ്മിത -
ത്തോടെ വർണ്ണങ്ങൾ വിതറി
വരച്ചു ,തീർത്താ ക്യാൻവാസിൽ .
അങ്ങനെയൊരു ചിത്രമായി
ഞങ്ങടെ മോഹങ്ങൾ സഫലമായി
ചിത്ര പ്രദർശന ഗ്യാലറിയിൽ
തിക്കും തിരക്കും തുടങ്ങി കഴിഞ്ഞു .