മിത്രം

ഞാനൊരു കവിയല്ലയെന്നാലും
നിന്നെക്കുറിച്ചൊരു കവിതയെഴുതി
ഞാനൊരു കഥാകാരനല്ലയെന്നാൽ
നിന്നെക്കുറിച്ചൊരു കഥയെഴുതി
ഗായകനല്ല ഞാൻ , മധുരതരം
നിന്നെക്കുറിച്ചൊരു പാട്ടുപാടി
നർത്തകനല്ല ഞാനയത്നലളിതം
നിന്നെ സ്മരിച്ചു നൃത്തമാടി
ചിത്രകാരനല്ല ഞാനേഴു നിറ -
ങ്ങളാൽ നിന്റെ ചിത്രത്തെ വരച്ചു
ജീവിതമിതു തീരും വരേയ്ക്കു -

മിവ്വിധം നീയെന്നോടൊപ്പമെന്നും
സ്വപ്നങ്ങളീ വിധം സഫലമാക്കും
സങ്കല്പമേ , നീയാണാപ്ത മിത്രം .