പശ്ചാത്താപം

ഒട്ടുമേ ശ്രദ്ധിക്കാതെ
ഞാനാദ്യം കടന്നു പോയതാണു്

എന്നന്ത : ക്കരണമെന്നെ

പിന്തിരിഞ്ഞു നോക്കുവാന്‍

ആഞ്ജാപിച്ചതെന്തിനായിരുന്നു

തിരിഞ്ഞു കണ്ണോടിച്ചു ,ഞാന്‍ 

പാതയ്ക്കരികില്‍ കണ്ടു  , 
അധിനിവേശത്തിനെതിരെ
ഗാന്ധിജി ഉയർത്തിയ
ചര്‍ക്കയവിടെ കിടപ്പൂ !

എത്രയോ വട്ടമീ മരസ്സാധനം
ഈ വഴിത്താരയിൽ

കണ്ടതോര്‍ത്തു പോയി ഞാന്‍ 

ഹൃത്തടങ്ങളില്‍ നിന്നും
 കൊടികളില്‍ നിന്നും നമ്മൾ

അടര്‍ത്തി വലിച്ചെറിഞ്ഞ ചർക്ക

ഈ , ചര്‍ക്കയിലല്ലോ ഭാരതത്തിന്‍

ഊടുംപാവും തീര്‍ത്തൂ ഗാന്ധിജി

വലിച്ചു നാമെറിഞ്ഞതു , 
ചര്‍ക്ക മാത്രമോ ആ മഹാത്മാവിന്‍
 പുണ്യ ചിന്തകളെയും ,

പിന്നെ കൊട്ടിയടച്ചിടുന്നു
നാം , നിര്‍ലജ്ജമിന്നുമാ

സത്യാന്വേഷണ വീഥികളും .